Johnny Depp သည် Pirates of the Caribean: On Stranger Tides, ရုပ်ရှင်ဇတ်ကားတွင် Keira Knightley နှင့် Orlando Bloom တိုးအား လက်လွှတ် လိုက်ရသော်လည်း Penelope Cruz အား လက်တွဲဖော်အဖြစ် ရရှိခဲသည်ဟု သိရသည်။ အော်စကာဆုရ မင်းသမီးက ၎င်းရုပ်ရှင်တွင် လူဆိုးကြီး Blackbeard’s ၏သမီးအဖြစ် သရုပ်ဆောင် မည်ဖြစ်ပြီး ၂၀၀၃ ခုနှစ် (ပထမဆုံးဇတ်လမ်း စတင်ရိုက်ကူးစဉ်) ကတည်းက တစ်ကိုယ်ရေ ရွှက်လွှင့်ခဲ့သော အဓိကဇတ်ကောင် ကပ္ပတိန် ဂျက်စပဲရိုး (Johnny Depp ) နှင့် ချစ်ကျွမ်းဝင်သည့် ဇတ်ကွက်များ ရိုက်ကူးမည့် ပထမဆုံး သရုပ်ဆောင်လည်းဖြစ်သည်။

ပင်လယ်ဓါးပြ ဖြစ်လာမယ့် စပိန် သရုပ်ဆောင် မင်းသမီး Penelope Cruz
ချစ်ကျွမ်းဝင်တဲ့အခန်းတွေကို သေချာအတည်မပြုရသေးပါဘူး။ ဂျက်စပဲရိုး နဲ့ ခရုစ် တို့ကြား romance လေးတွေတော့ ပါလိမ့်မယ်။ ခရုစ်က တက်ကြွတဲ့သူပါ ဒီဇတ်ကောင်အတွက် ပျော်ရွှင်စရာတွေ အများကြီး သူယူဆောင်လာလိမ့်မယ် ဟု Pirates ဇတ်လမ်းတွဲများ၏ ထုတ်လုပ်သူ Bruckheimer က MTV News သို့ပြောကြားပါသည်။

နာမည်ကျော် ဇတ်ကောင် ကပ္ပတိန် ဂျက်စပဲရိုး
ပင်လယ်ဓါးပြဇတ်လမ်းတွဲ Pirates of the Caribbean ကို ၂၀၀၃ ခုနှစ်က စတင်ရိုက်ကူးပြီး ယခု ရိုက်ကူမည့် Pirates of the Caribbean: On Stranger Tides သည် Pirates ဇတ်လမ်းများ၏ စတုတ္ထမြောက် ရုပ်ရှင်လည်းဖြစ်သည်။ ၎င်းဇတ်လမ်းများ၏ အဓိက ဇတ်ကောင် ကပ္ပတိန် ဂျက်စပဲရိုးသည် ကမ္ဘာတစ်ဝှမ်း လူကြိုက်အလွန်များသော ဇတ်ကောင် ဖြစ်ပြီး စတင်ရိုက်ကူးသော ပထမဆုံးဇတ်ကားမှစ၍ ဟောလိဝုဒ် သရုပ်ဆောင် Johnny Depp က ပင်တိုင် သရုပ်ဆောင်ခဲ့ခြင်းဖြစ်သည်။

Johnny Depp နှင့် Orlando Bloom တို့၏ သရုပ်ဆောင်ကွက်
ထွက်ရှိပြီးသော ဇတ်လမ်း ၃ ခုစလုံးတွင် ဂျက်စပဲရိုး နှင့် အတွဲညီခဲ့သော ဗြိတိသျှ သရုပ်ဆောင် Keira Knightley နှင့် Orlando Bloom တို့ Pirates ဇတ်လမ်းများမှ ထွက်သွားပြီးနောက် စပိန် သရုပ်ဆောင် မင်းသမီး Penelope Cruz က ကပ္ပတိန် ဂျက်စပဲရိုး ၏လက်တွဲဖော် ဖြစ်လာခြင်းဖြစ်သည်။

ယခင်က အတွဲညီခဲ့သော Orlando Bloom ၊ Keira Knightley နှင့် Johnny Depp
Source : YahooMovie