ပေကျင်း-ဇူလိုင်၂၅.၂၀၁၁
တရုတ်နိုင်ငံ၏ မြန်နှုန်းမြင့် ရထားစနစ်အတွင်း ပြီးခဲ့သော ဇူလိုင်လ ၂၄ ရက် တနင်္ဂနွေနေ့ ညပိုင်းက မြန်နှုန်းမြင့် ရထားနှစ်စင်း တိုက်မိခဲ့ရာ လူအများအပြား သေဆုံးပြီး အကြီးအကျယ် ထိခိုက်ဒဏ်ရာ ရရှိခဲ့သောကြောင့် ကမ္ဘာ့အမြန်ဆုံး ရထားအဖြစ် အလျင်အမြန် တိုးတက်လားသော တရုတ်မြန်နှုန်းမြင့် ရထားစနစ်အတွင်း ဘေးကင်းလုံခြုံစွာ သွားလာနိုင်ရေးအတွက် မေးခွန်းထုတ်ဖွယ် ဖြစ်လာကြောင်း သိရသည်။
ပြီးခဲ့သော တနင်္ဂနွေနေ့ ညပိုင်း ဒေသစံတော်ချိန် ၈နာရီ ၃၈ မိနစ်က တရုတ်နိုင်ငံအရှေ့ပိုင်း Zhejiang ဒေသရှိ Wenzhou မြို့တော် အနီး တံတားပေါ်တွင် အဆိုပါ ရထားတိုက်မှု ဖြစ်ပွားခဲ့ရာ သေဆုံးသူဦးရေ ၃၆ ဦးနှင့် ထိခိုက် ဒဏ်ရာရသူဦးရေ ၁၉၂ ဦး ရှိကြောင်း တရုတ်နိုင်ငံ မီးရထားဝန်ကြီးဌာန၏ ဝဘ်ဆိုက်တွင် တနင်္ဂနွေနေ့ ညပိုင်းက ဖော်ပြထားသည်။
ရထားတိုက်မှု ဖြစ်ပွားပုံမှာ Wenzhou မြို့အနီး တံတားပေါ်တွင် Hangzhou မှ အရှေ့တောင်ပိုင်း မြို့တော် Fuzhou သို့ ဦးတည်မောင်းနှင်လားသော မြန်နှုန်းမြင့် ရထား D3115 သည် မိုးကြိုးပစ်မှု့ကြောင့် လှုပ်စစ်ဓါတ်အား ပြတ်တောက်ပြီး ရပ်တန့်သွားစဉ် နောက်ဘက်မှ မောင်းနှင်လာသော မြို့တော် ပေကျင်းမှ Fuzhou သို့ ဦတည် မောင်းနှင်လာသည့် မြန်နှုန်းမြင့်ရထား D301 က ရပ်တန့်နေသော ရထားကို ဝင်တိုက်မိခြင်း ဖြစ်သည်။
D301 ရထားမှ ရထားတွဲများ တံတား အမြင့်ပေါ်မှ ပြုတ်ကျသွားခဲ့ပြီး D3115 မှ ရထားတွဲများ လမ်းချော်ပြီး ထိခိုက်ပျက်စီးသွားသည်။ ရထားတိုက်မှုကြောင့် ဆက်လက်ထွက်ခွာမည့် ရထားခရီးစဉ် ၅၈ ခု ရပ်ဆိုင်းသွားပြီး ထိခိုက်ဒဏ်ရာရသူများကို ဆေးရုံ ၁၁ ရုံသို့ ပို့ဆောင်ကာ ကယ်ဆယ်ရေး လုပ်ငန်းများ ဆောင်ရွက်ခဲ့ကြောင်း သိရသည်။
မိုးကြိုးထိခဲ့သော ရထား၏ လျှပ်စစ်ဓါတ်အား လုံးဝ ပြတ်တောက်သွားခြင်းသည် ရုတ်တရက် ရထားရပ်တန့်သွားပါက နောက်မှလိုက်လာသော ရထားအား အလိုလျောက် သတိပေးသည့် အီလက်ထရွန်းနစ် လုံခြုံရေးစနစ် အသုံပြု၍ မရဖြစ်ခဲ့သောကြောင့် ယခုကဲ့သို့ နောက်မှ ဝင်တိုက်မိခြင်း ဖြစ်ကြောင်း နိုင်ငံပိုင် ရုပ်သံဌာနက ဖော်ပြခဲ့သည်။
တရုတ်အစိုးရသည် ဒေါ်လာ ဘီလီယံပေါင်းများစွာ အကုန်အကျခံပြီး ကမ္ဘာ့အမြန်ဆုံး ရထား စနစ်အဖြစ် ကမ္ဘာ့အလယ် ထင်ပေါ်ကျော်ကြားအောင် ၎င်းတို့၏ မြန်နှုန်းမြင့် ရထားကွန်ယက်ကို တည်ဆောက်ခဲ့ခြင်း ဖြစ်ပြီး ပြီးခဲ့သော ဇူလိုင်လဆန်းကလည်း ၎င်းတို့၏ ရထားစနစ်သည် ဂျပန်တို့၏ ကျဉ်ဆန် ရထားစနစ်ထက် နည်းပညာ သာလွန်ကြောင်း တရုတ် မီးရထားဝန်ကြီးဌာနမှ ပြောရေးဆိုခွင့် ရှိသူ တစ်ဦးက ပြောကြားခဲ့သေးသည်။ တရုတ်အနေဖြင့် ၇ နှစ်ကြာ တည်ဆောက်မည့် မြန်နှုန်းမြင့် ရထားစီမံကိန်းအတွက် တစ်နှစ်လျင် ဒေါ်လာ ၁၂၀ ဘီလီယံခန့် ကျခံသုံးစွဲရန် လျာထားကြောင်း သိရသည်။
PatheinCity News | Source:Xinhu, Msn.com, japantimes.co.jp
စိတ်မကောင်းစရာ သတင်းပါ။ တရုတ်က ကျည်ဆန်ရထားတွေ သုံးနိုင်နေပြီလို့ သတင်းဖတ်လိုက်ရတုံးက ၀မ်းသာနေတာ။ ခုတော့ စိတ်မကောင်းစရာ သတင်းကြားရပြီ။ အဲ့ဒါကြောင့် ဒို့ နိုင်ငံမှာလည်း ကျည်ဆန်ရထား မလုပ်တာ ဖြစ်မယ် ….
Like or Dislike:
0 
0
အင်းးးးးးထိခိုက်မှုမှာပါဝင်တဲ့သူတွေအတွက်တော့အတော်စိတ်မကောင်းစရာပဲ.. တိုးတက်မှုတိုင်းမှာ ဆုတ်ယုတ်မှုရှိတယ်ဆိုတာအမှန်ပဲနော်.. အနော်တို့ဆီမှာတော့.. အဲလိုဆုတ်ယုတ် ပျက်စီးတာကိုမရှိတာ..:PP
Like or Dislike:
0 
0
ပြောရတာလည်းမောလှပြီ..တရုတ်ပစ္စည်းဘဲအကောင်းထားသုံးရတဲ့မြန်မာပြည်သားတွေဆိုတော့လဲ ပြောရခက်သား.. တရုတ်ထွက်ဆို တခုမဟုတ်ဒုက္ခပေးတာလဲအကြိမ်ကြိမ်.. ကြည့်..ခလေးနို့မှုန့် ထဲ ဓါတ်မြေသြဇာထဲ့လိုထဲ့..သုံးပြီးသားကွန်ဒွန်ကရော်ဘာသရေကွင်းကိုမဆေးမကြောဘဲ၊ recycle လုပ်ပြီး မိန်းခလေးဆံပင်စီးရာမှာသုံးတဲ့သရေကွင်းလုပ်ပြီးမြန်မာပြည်ပြန်သွင်းလိုသွင်း၊ ခုလဲလာအုံးမယ်..ရန်ကုန်-နေပြည်တော်အမြန်ရထားတဲ့ ၂ နာရီခွဲနဲ့ ရောက်မတဲ့..၂၀၁၅ မှာအပြီးဆောက်မတဲ့…
Like or Dislike:
3 
0