ရန်ကုန် – October 31, 2010
ယမန်နေ့ ညနေက ရန်ကုန်မြို့ သုဝဏ္ဏ အားကစားကွင်းတွင် ယှဉ်ပြိုင်ကစားခဲ့သော ဒယ်လ်တာ ယူနိုက်တက် နှင့် မကွေး အက်ဖ်စီတို့၏ မြန်မာ နေရှင်နယ်လိဂ် ပွဲစဉ်တွင် မကွေး အသင်းက ၂ဂိုး-၁ဂိုး ဖြင့် အနိုင်ရရှိခဲ့ကြောင်း သိရသည်။
ယခုနှစ်ရာသီတွင် ရလဒ်များ ဆိုးဝါးနေသော အသင်းနှစ်သင်း ထိပ်တိုက် တွေ့ဆုံခဲ့ခြင်း ဖြစ်ပြီး၊ ခြေစွမ်းပျက်နေသော အသင်းချင်း အတူတူတွင် ဒယ်လ်တာ ယူနိုက်တက် ကသာ ရှုံးနိမ့်ခဲ့ကြောင်း တွေ့ရသည်။ မကွေး အသင်းအတွက် ဂိုးများကို ပထမပိုင်း ၃၉မိနစ်တွင် ဘိုဘိုအောင်က လည်းကောင်း၊ ဒုတိယပိုင်း ၆၉မိနစ်တွင် ချဝါဇူ ကလည်းကောင်း သွင်းယူသွားနိုင်ခြင်း ဖြစ်ပြီး၊ ဒယ်လ်တာ အတွက် ချေပဂိုး တစ်ဂိုးကို ၇၄ မိနစ်တွင် မျိုးဇော်ဦးက သွင်းယူပေးခဲ့သည်။ ထို့နောက် ဒယ်လ်တာ အသင်းသည် ထပ်မံချေပနိုင်ခြင်း မရှိတော့ဘဲ ပွဲအပြီးတွင် ၂ဂိုး-၁ဂိုး ဖြင့် ရှုံးနိမ့်ခဲ့သည်။
မကွေးတိုင်းဒေသကြီး ကိုယ်စားပြု မကွေး အက်ဖ်စီ နှင့် ဧရာဝတီတိုင်းဒေသကြီး ကိုယ်စားပြု ဒယ်လ်တာ ယူနိုက်တက် တို့သည် မြန်မာနေရှင်နယ်လိဂ် စတင်တည်ထောင်စဉ် ကတည်းက ဝင်ရောက်ယှဉ်ပြိုင်သော အသင်းများ ဖြစ်သည်။ မကွေး အက်ဖ်စီသည် မြန်မာနေရှင်နယ်လိဂ် ကွင်းဖွင့်ဖလား MNL Cup ပြိုင်ပွဲတွင် ခြေစွမ်းပြခဲ့သော အသင်းကြီး တစ်သင်းဖြစ်ပြီး၊ ဒယ်လ်တာ ယူနိုက်တက်သည်လည်း ယမန်နှစ် ဘောလုံးရာသီက ဒုတိယ ရခဲ့သော အသင်းကြီး ဖြစ်သည်။ သို့သော် ယခုနှစ် ရာသီတွင် မကွေး အသင်းက ရှုံးပွဲ (၈)ပွဲဖြင့် လည်ကောင်း၊ ဒယ်လ်တာ အသင်းက ရှုံးပွဲ (၁၀)ပွဲဖြင့် လည်ကောင်း ရလဒ်များ ဆိုးဝါး နေကြခြင်းဖြစ်သည်။
သို့သော် ယခုပွဲ အနိုင်ရရှိခြင်းကြောင့် မကွေး အသင်းသည် အမှတ်ပေး ဇယား၏ အဆင့်(၅) နေရာထိ ခုန်တက်သွားခဲ့ပြီး ဒယ်လ်တာ အသင်းမှာမူ အဆင့်(၈) နေရာ၌သာ ဆက်လက် ရပ်တည်ခဲ့သည်။
Reporter:ဧရာဝတီသား | PatheinCity News
