ဧရာဝတီတိုင်း ကိုယ်စားပြု ဒယ်လ်တာ ယူနိုက်တက် ဘောလုံးအသင်း နိုင်ပွဲ ပြန်လည်ရရှိ

အားကစား

Posted on August 28th, 2010

Written by AyeyawaddyThar

Related Posts
Tags
Delta United, အားကစား
Share

ရန်ကုန် – August 28, 2010

ရလဒ်များ ဆိုးဝါး နေသော ဧရာဝတီတိုင်း ကိုယ်စားပြု ဒယ်လ်တာ ယူနိုက်တက် ဘောလုံး အသင်းသည် ယနေ့ညနေပိုင်းက ရန်ကုန်မြို့သုဝဏ္ဏကွင်းတွင် ကစားခဲ့သော မြန်မာနေရှင်နယ်လိဂ် ပွဲစဉ်တွင် နေပြည်တော် ဘောလုံးအသင်းအား ၂ ဂိုး – ၁ ဂိုး ဖြင့် အနိုင်ရရှိခဲ့၍ နိုင်ပွဲ ပြန်လည် ရှာတွေ့ခဲ့ပြီ ဖြစ်သည်။

ယနေ့ပွဲတွင် ဒယ်လ်တာ ယူနိုက်တက် အသင်းသည် နည်းပြချုပ် ဦးအောင်နိုင် ပွဲပယ်ခံထားရစဲ ဖြစ်ပြီး၊ အဓိက ကစားသမား အချို့လည်း ပွဲပယ်ပြစ်ဒဏ်များ ရှိနေ၍ မပါဝင်နိုင်ခဲ့ပေ။ အားထားရသည့် ကစားသမားတစ်ဦး ဖြစ်သူ ဘမ်ဘာ မှာလည်း ပေါင်ရိုးကျိုးသည့် ဒဏ်ရာကြောင့် ရာသီကုန် အထိ အနားယူရတော့မည် ဖြစ်သည်။

ဒယ်လ်တာ ယူနိုက်တက် အတွက် ဦးဆောင်ဂိုးကို ပွဲအစ (၃)မိနစ်၌ပင် ရရှိခဲ့ခြင်း ဖြစ်ပြီး အောင်ကျော်မျိုးက သွင်းယူ ပေးခဲ့သည်။ ထို့နောက် ပွဲမှာ အကြိတ်အနယ် ဖြစ်လာပြီး ပွဲချိန် (၃၂)မိနစ်တွင် နေပြည်တော် အသင်းအတွက် လာကျဲအိုလွယ်က ချေပဂိုး ပြန်လည် သွင်းယူခဲ့သည်။

ထို့နောက် ပထမပိုင်းပြီးသည်အထိ ဂိုးထပ်မံ သွင်းယူနိုင်ကြခြင်း မရှိဘဲ ၁ – ၁ ဂိုးဖြင့် ပထမပိုင်း ပြီးဆုံးခဲ့သည်။ ထို့နောက် ဒုတိယပိုင်းတွင် မိုးများသည်းထန်စွာ ရွာသွန်းလာသဖြင့် နှစ်သင်းစလုံး ခက်ခဲစွာ ကစားခဲ့ရသည်။ ပွဲချိန် (၈၃)မိနစ် တွင်မှ ဒယ်လ်တာ အသင်း အတွက် အနိုင်ဂိုးအား တင်ဇော်မိုးက သွင်းယူနိုင်ခဲ့ခြင်း ဖြစ်သည်။

ယခုပွဲ အနိုင်ရရှိခြင်းသည် ဒယ်လ်တာ ယူနိုက်တက် ဘောလုံးအသင်းအတွက် (၄)ပွဲဆက်တိုက် နိုင်ပွဲ ပျောက်နေရာမှ နိုင်ပွဲပြန်လည် ရှာတွေ့ခဲ့ခြင်း ဖြစ်သည်။ ဒယ်လ်တာ အသင်းသည် လာမည့် အပါတ်တွင် ကစားရမည့် ပွဲစဉ်မရှိဘဲ အနားရမည် ဖြစ်ပြီး စက်တင်ဘာလ (၁၂) ရက်နေ့တွင်မှ Southern Myanmar အသင်းနှင့် မန္တလေး ဗထူးကွင်းတွင် မြန်မာနေရှင်နယ်လိဂ် ပွဲစဉ်အဖြစ် ယှဉ်ပြိုင်ကစားရမည် ဖြစ်သည်။

ဧရာဝတီတိုင်း ကိုယ်စားပြု ဒယ်လ်တာ ယူနိုက်တက် ဘောလုံးအသင်းသည် နောက်ဆုံး ကစားခဲ့သည် (၄)ပွဲတွင် (၃)ပွဲ ရှုံးနိမ့်၍ (၁)ပွဲ သရေကျ ခဲ့သည်။ နောက်ဆုံး ကစားခဲ့သည် ပွဲရလဒ်များမှာ -

ဒယ်လ်တာ ယူနိုက်တက် ( ၀ -၂ ) ဆောက်သမ်း မြန်မာ

ဒယ်လ်တာ ယူနိုက်တက် ( ၂ – ၃ ) ရတနာပုံ

ဇေယျာရွှေမြေ ( ၃ – ၃ ) ဒယ်လ်တာ ယူနိုက်တက်

ရတနာပုံ ( ၃ – ၀ ) ဒယ်လ်တာ ယူနိုက်တက်

Reporter:ဧရာဝတီသား | PatheinCity News
Share and Enjoy:
Related Posts
This entry was posted on Saturday, August 28th, 2010 at 7:22 pm and is filed under အားကစား. You can follow any responses to this entry through the RSS 2.0 feed. You can leave a response, or trackback from your own site.
2 Comments

Take a look at some of the responses we've had to this article.
ယခုဖော်ပြထားသော အကြောင်းအရာနှင့် ပါတ်သက်၍ စာဖတ်သူများ၏ သဘောထား အမြင်များကို အောက်တွင် ကြည့်ရှု နိုင်ပါသည်။
1. ကျော်ကျော်
  
  Aug 28th
  Reply
  
  နိုင်ပွဲ ပြန်လည် ရရှိခဲ့တဲ့ ဒယ်လ်တာ အသင်း အတွက် အရမ်းကို ၀မ်းသာတယ် ဗျာ။ သတင်းကို ချက်ချင်း တင်ပေး တဲ့ patheincity news ကိုလည်း သိပ်ကို လေးစား သွားပါပြီ။
  
  Like or Dislike: 2 0
2. Ayarwady Wave
  
  Aug 28th
  Reply
  
  ဂုဏ်ယူ ၀မ်းမြောက် မိပါသည်။ ဧရာဝတီတိုင်းတစ်တိုင်းလုံး ကိုယ်စား ကြေနပ်ဝမ်းမြောက်မိပါသည်။
  
  http://www.deltafcfans.yolasite.com
  
  Like or Dislike: 2 0
Leave a Reply

Let us know what you thought.
ဤ အကြောင်းအရာနှင့် ပါတ်သက်၍ လူကြီးမင်း၏ သဘောထား အမြင်ကိုလည်း ရေးသားစေလိုပါသည်။Click here to cancel reply.
Name (required):

Email (required):

Website:

Message: