ဦးထုပ်လူ
လူကိုယ်တိုင် အလုပ်လုပ်ဖို့ မလိုပါ။ ဦးထုပ်ကလေးကိုသာ ခိုင်းလိုက်ရင် အားလုံး အဆင်ပြေပါတယ်။ ဦးထုပ်ဆိုတာက ဆောင်းသူရဲ့ အမှတ်တံဆိပ်တစ်ခု ဖြစ်နေသေးတော့ အလုပ်ကိစ္စအားလုံး ပြီးမြောက် စေပါတယ်။ ဆိုပါတော့၊ ညစောင့်တစ်ယောက်ရဲ့ အလုပ်ကို သူ့ရဲ့ဦးထုပ်က လုပ်ကိုင် ဆောင်ရွက် ပေးပါတယ်။ ဥပမာဗျာ၊ ဘုရ်ှရဲ့ ဦးထုပ်က ဘုရ်ှလုပ်ရမယ့် အလုပ်တွေကို လုပ်ကိုင်ပေးသလို အိုဘားမားရဲ့ ဦးထုပ်က အိုဘားမားရဲ့ အလုပ်ကို လုပ် ပေးနိုင်သလိုမျိုးပေါ့။ ဒါပေမယ့် ဘုရ်ှရဲ့ ဦးထုပ်က အိုဘားမားရဲ့ အလုပ်တွေကို လုပ်မပေးနိုင်ဘူး။ အိုဘားမားရဲ့ ဦးထုပ်ကလည်း ဘုရ်ှရဲ့ အလုပ်တွေကို လုပ်ပေးလို့ မရပါဘူး။ ထားပါတော့၊ ပြောချင်တာက ဦးထုပ်တစ်လုံးရှိရင် ကိုယ်တိုင် အလုပ်လုပ်ဖို့ မလိုဘူး။ ဦးထုပ်ကို ခိုင်းရုံပဲ ဆိုတာကို ပြောချင်တာပါ။ ဒါပေမယ့် သတိပြုဖို့က…။
ကျွန်တော့်မှာ ဦးထုပ်တစ်လုံး ရှိတယ်။ နေပူပူ၊ မိုးရွာရွာ အကာအကွယ်လည်း ရတော့ အမြဲဆောင်းပါတယ်။ ဒီလို နေပူ သက်သာစေတဲ့၊ မိုးအရွှဲ သက်သာစေတဲ့ ဦးထုပ် တစ်လုံးတော့ ရှိသင့်ပါတယ်။ ပိုင်ဆိုင်သင့်ပါတယ်။ ကျွန်တော် ဒီလို ယူဆမိတယ်။ ပြီးတော့ ဦးထုပ်ရှိနေတဲ့ အတွက် ရုပ်ရှင်မင်းသား ဘရက်ပစ်နဲ့ လူမှားပြီး နှုတ်ဆက်ခံရမှာ မစိုးရိမ် ရတော့ဘူး။ အိန္ဒိယရုပ်ရှင်မင်းသား ရှရွတ်ခန်းနဲ့လည်း ကွဲကွဲပြားပြား ဖြစ်အောင်လို့ ကျွန်တော် ဦးထုပ် ဆောင်းပါတယ်။
ကျွန်တော် တစ်ယောက်တည်း ဦးထုပ်ဆောင်းတာတော့ မဟုတ်ဘူး။ အိုဘားမားရဲ့ ညီမ ညိုဘားမားနဲ့ တူမှာ စိုးလို့ ဆိုပြီး စာရေးဆရာမ နှင်းရိုင်းချို(ရမည်းသင်း)လည်း ဦးထုပ်နဲ့၊ မြို့မငြိမ်းနဲ့မတူတဲ့ ဖက်ရှင်ပညာရှင် ကိုစိုးကြီးလည်း ဦးထုပ်နဲ့၊ ကဗျာဆရာ ကိုမင်းထက်လည်း ရာဘင်ဒြာနတ်တဂိုးနဲ့ မမှားအောင်လို့ ဦးထုပ်နဲ့၊ ကိုရီးယားရုပ်ရှင်မင်းသား ဂျွန်စောနဲ့မတူတဲ့ ပန်းချီဆရာ ကိုဖိုးလည်း ဦးထုပ်နဲ့၊ ပြောရရင် ကျွန်တော်တို့ အားလုံး ဦးထုပ်တွေနဲ့ချည်းပါ။ အရေးကြီးဆုံးက အကြွေးရှင် ကြွေးလာတောင်းရင် မမှတ်မိအောင် ဦးထုပ်နဲ့ ဖုံးထားလို့ ရတာကိုး။
ဒီလိုနဲ့ တစ်နေ့မှာတော့ သူငယ်ချင်းတွေနဲ့ တွေ့ဆုံဖို့ ချိန်းထားတယ်။ ထုံးစံအတိုင်း တာမွေလေး တံတားအောက်က အရက်ဆိုင်လေးမှာပေါ့။ သူငယ်ချင်း ပန်းချီဆရာ ကိုဖိုးရယ်၊ ကဗျာဆရာ ကိုမင်းထက်ရယ်၊ ကဗျာဆရာလေး ဇော်လတ်ရယ် ဆုံကြဖို့ပေါ့။ ဒါပေမဲ့ ခက်တာက ရေးလက်စ၀တ္ထုက မပြီးသေးတော့ ကျွန်တော့်ကိုယ်စား ဦးထုပ်ကိုပဲ သူငယ်ချင်းတွေဆီ လွှတ်လိုက်ရတယ်။ အဲဒီမှာ အရက်သောက်သူတွေ၊ အရက်ရောင်းသူတွေ အားလုံး ဦးထုပ် ကိုယ်စီနဲ့တဲ့။ ရောင်းသူ၊ သောက်သူ အသံတူရုံ တင်မကဘူး။ ဦးထုပ်ဆောင်းထားကြတာချင်းပါ တူနေပါရောတဲ့။ ကျွန်တော့်ဦးထုပ် ဆိုင်လေးထဲ ၀င်သွားတော့ ပန်းချီဆရာ ကိုဖိုး ဦးထုပ်ရယ်၊ ကဗျာဆရာ ကိုမင်းထက် ဦးထုပ်ရယ်၊ ကဗျာဆရာလေး ဇော်လတ်ဦးထုပ်ရယ်တို့ စားပွဲမှာ ယိမ်းထိုးယိမ်းနွဲ့တောင် ဖြစ်နေကြပြီတဲ့။
“လာ လာ ဆရာနိုင်စွမ်း ဦးထုပ်” ဆိုပြီး ဇော်လတ်ဦးထုပ်က ခေါ်တယ်တဲ့။ ကျွန်တော့်ဦးထုပ်လည်း သူတို့နဲ့ ပူးပေါင်း လိုက်ပြီး ၀ိုင်းထိုင် ဖြစ်ကြတော့တယ်တဲ့။ ဦးထုပ်တွေ ပူးပေါင်း ၀ိုင်းထိုင်ကြတာ ဘယ်လောက်ကြာသွားသလဲ မသိတော့ဘူး။ ကျွန်တော် ဦးထုပ်ကို သတိရလို့ နာရီကြည့် လိုက်တော့ ည ဆယ်နာရီခွဲနေပြီ။ ဦးထုပ်က ပြန်မလာသေးဘူး။ ကျွန်တော် ဦးထုပ်ကို စိတ်ပူမိတယ်။ ဒါပေမယ့် ဘာလုပ်ရမယ် မသိသေးဘူး။
ဦးထုပ်ပျောက် ကြော်ငြာသတင်းစာမှာ ထည့်ရမလား၊ မဟုတ်သေးပါဘူး။ ဒီလိုလုပ်မှ ကိုယ့်အထုပ် ကိုယ်ဖြေပြ၊ ကိုယ့်ပေါင်ကို ကိုယ်လှန်ထောင်းဆိုသလို ဖြစ် နေမှာ စိုးရိမ်ရသေး ပြန်တယ်။ ရဲစခန်းကို ဖုန်းဆက် တိုင်ကြားရင်ရော၊ ဒါလည်း မဖြစ်သေးပါဘူး။ ဒီကိစ္စက ရဲစခန်းတိုင်ကြား လောက်အောင်လည်း မဖြစ်သေးပါဘူး။ အင်း… ခဏနေလို့မှ ပြန်မလာရင် ဦးထုပ်နောက် လိုက်သွားမယ်။ လမ်းဘေးမှာ မူးလဲနေလို့လား၊ ပြန်လာဖို့ ဘတ်စ် ကားစောင့်နေတာ မရလို့လား၊ တစ်ခုခုများ ဖြစ်နေရော့သလား စသဖြင့် တွေးရင်း တွေးရင်း ရင်မောနေရတယ်။ ဒါနဲ့ စိတ်မချနိုင်လို့ ဦးထုပ်နောက် လိုက်ရှာတယ်။ မြန်မြန်ရောက်အောင် ဘတ်စ်ကားနဲ့သွားမှ။
ဟင်…ဘတ်စ်ကားမှတ်တိုင်မှာ ဘတ်စ်ကား စောင့်နေကြတာ ဦးထုပ်တွေ၊ ထိုးဆိုက်လာတဲ့ ဘတ်စ်ကားထဲမှာလည်း ခရီးသွား ဦးထုပ်တွေ အပြည့်၊ စပယ်ယာ ဦးထုပ်က လူခေါ် အဲ… ဦးထုပ်ခေါ်လို့၊ ဒရိုင်ဘာ ဦးထုပ်ကြီးကလည်း ဘတ်စ်ကားကြီးကို မောင်းလို့၊ ကွမ်းသွေးတောင် ဗျစ် ခနဲ ထွေးလိုက်သေး။ ဦးထုပ်မပါတာဆိုလို့ ကျွန်တော် တစ်ယောက်တည်း။ ကျွန်တော်လည်း မထူးပါဘူးဆိုပြီး ထိုးဆိုက်လာတဲ့ ဘတ်စ်ကားပေါ်ကို အမြန်ပြေးတက်လိုက်တယ်။ ကျွန်တော့်အမှားက ဘတ်စ်ကား ဘယ်ကို ရောက်သလဲလို့ မမေးမိခြင်းပါ။ ကားပေါ် ရောက်တော့မှ စပယ်ယာဦးထုပ် ကို တာမွေလေးရောက်လားလို့ မေးလိုက်တော့ “တံတားလေးတော့ မရောက်ဘူး၊ စိတ် ကျန်းမာရေး ဆေးရုံတော့ ရောက်တယ်” တဲ့။
“ဟိုက်”
ကျွန်တော် ချက်ချင်းပဲ နောက်မှတ်တိုင်တစ်ခုမှာ ဆင်းလိုက်တယ်။ ဘယ် မှတ်တိုင်လဲ၊ ဘယ်ရောက်နေသလဲဆိုတာ လုံးဝ မသိဘူး။ ဘယ်သွားမယ်၊ ဘာလုပ် မယ်၊ ဘယ်ကားစီးမယ် မသိနဲ့ ယောင်ချာချာ ဖြစ်နေပါတော့တယ်။ အချိန် မသိ၊ နေရာ မသိနဲ့ မှတ်တိုင်တစ်ခုမှာ ငေါင်စင်း စင်းနဲ့ပေါ့။ အဲဒီအချိန်မှာ ဦးထုပ်ကိုယ်စီ ဆောင်းထားတဲ့ လုံခြုံရေးအဖွဲ့တစ်ဖွဲ့ ရောက်လာပြီး ကျွန်တော့်ကို မသင်္ကာလို့ စစ်ဆေးတယ်။
“ဟေ့လူ၊ ဦးထုပ်မပါ ဘာမပါနဲ့၊ ဘယ်သူလဲ၊ ဘယ်ကလဲ၊ ဘာလာလုပ်တာ လဲ၊ ဘယ်ကိုသွားမှာလဲ” လို့ မေးတယ်။
“ကျွန်တော် နိုင်စွမ်းပါ၊ စာရေးဆရာပါ၊ ကျွန်တော့် ဦးထုပ် အရက်ဆိုင်မှာမို့ …” လို့ ရှင်းပြလိုက်ပါတယ်။
ကျွန်တော့် ရှင်းပြချက်ကြောင့် သူတို့ (ဦးထုပ်တွေ) ပြုံး သွားသလား၊ ရယ်သွားသလား မသိပေ မယ့် “ဒါဆိုလည်း သွားတော့ဗျာ၊ ညကြီး အချိန်မတော် ဦးထုပ်မပါဘဲ သွားရတယ် လို့”ဟု ပြောဆိုခဲ့ပြီး သူတို့ ထွက်သွားကြ တယ်။
ကျွန်တော် မှတ်တိုင်မှာ ကျန်ရစ်ခဲ့ တယ်။ ဆေးရုံတစ်ခုခု၊ ဆေးခန်းတစ်ခုခုမှာများ ရောက်နေလေမလားဆိုပြီး ဆေးရုံ တွေ၊ ဆေးခန်းတွေကို သွားပြီး ရှာပေမယ့် ကျွန်တော့်ဦးထုပ်ကို မတွေ့ရဘူး။ မီးရထားတွေ၊ ဘူတာတွေမှာများ ရှိလေမလားဆိုပြီး လိုက်ရှာပေမယ့် မတွေ့ရဘူး။ ဒါနဲ့ ဈေးတွေထဲ၊ ရုပ်ရှင်ရုံတွေထဲ၊ သင်္ဘောဆိပ်၊ လှေဆိပ် အားလုံးအားလုံး နေရာအနှံ့ လိုက်ရှာပေမယ့် တခြားဦးထုပ်တွေက လွဲလို့ ကျွန်တော့်ဦးထုပ်ကို မတွေ့ရဘူး။ ဒါနဲ့ ကျွန်တော် စိတ်ပျက်လက်ပျက်နဲ့ အိမ်ပြန် လာခဲ့တယ်။
အဲ…အိမ်ပြန်ရောက်တော့ ကျွန် တော့်ဦးထုပ်က ကျွန်တော့်အိပ်ရာပေါ်မှာ အိပ်လို့ဗျ။ ကျွန်တော် ဒေါသထွက်သွားပြီး ..
.
“ဟေ့ကောင် ဦးထုပ်၊ မင်း ဘယ် လျှောက်သွားနေသလဲ။ ငါ့မှာ မင်းကိုရှာရတာ မောနေပြီ” လို့ အော်ဟစ်ဆူပူလိုက် တယ်။
ကျွန်တော့်ဦးထုပ်က “အာစရိက ကျွန်တော်မပါဘဲ သွားလာနေတာကိုးဗျ။ ကျွန်တော်မပါတော့ အာစရိမှာ ဦးထုပ် ဆောင်းစရာ ခေါင်းမရှိတာ သိကုန်တော့တာပေါ့” တဲ့။
ကျွန်တော် ယောင်ယမ်းပြီး ကျွန်တော့်ခေါင်းကို စမ်းလိုက်မိတယ်။
နိုင်စွမ်း ၊ PatheinCity News | ရသစာပေ
(ဤစာမူသည် စာရေးဆရာ နိုင်စွမ်း ၏ ဝထ္ထုတို ဖြစ်ပါသည်။ ပြန်လည် ကူးယူ ဖော်ပြလိုပါက စာရေးဆရာ နိုင်စွမ်း ထံမှ ခွင့်ပြုချက် ကြိုတင် တောင်းခံရန် လိုအပ်ပါသည်။ )
ကျေးဇူးတင်စွာဖြင့်
မြို့တော်ပုသိမ် သတင်းစဉ်
